«Slik var det»/”Så var det”

Etienne Glaser, med seg har han kona, konsertpianist Maria Rostotsky. Ekteparet fekk strålande kritikkar for tolkinga si av dette stykket på Fossefestivalen i Oslo 25.

Hovudkarakteren i dette stykket er ein gamal kunstnar som veit at han ikkje har lenge igjen å leva. Han ser tilbake på sitt eige liv og undrar på kva som ligg framfor seg. Den ytre handlinga er enkel, oppsetjinga sameleis, men tematikken er eksistensiell. 

“Den gamle mannen er som ein sil som livets vatn renn gjennom. Og dette vatnet er jo mitt vatn”, sa Glaser i intervju med Åsne Dahl Torp i fjor. I tillegg til å spela hovudrolla har Glaser også hatt regien for denne oppsetjinga. 

Det svenske kunstnarparet hadde svært lyst til å vitja heimbygda til Jon Fosse, og festivalnemnda er glad for å kunna få lov til å visa dette spesielle stykket for publikum i Strandebarm. 87 år gamle Glaser er ein røynd og vidkjend kunstnar i Sverige. Han har arbeidd som regissør, skodespelar og manusforfattar innan film og teater gjennom eit langt liv. 

Maria Kostotsky er etablert som ein av dei fremste og mest allsidige musikarane i Sverige. Ho har vore solist hjå Filharmonikerna og andre svenske orkester og  gjesta utanlandske scener i samband med konsertar og festivalar. Ho samarbeider med aktørar innan ulike andre kunstartar, slik som her saman med ektemannen i “Så var det”: