"Mor og barn"

«Mor og barn» handlar om at ein ung mann kjem på uventa besøk til mor si, som for mange år sidan flytta frå Vestlandet, mann og barn inn til Oslo. Ho pratar mykje, sonen er ordknapp. Tilhøvet mellom dei  verkar anspent. Sonen studerer i utlandet og ser mor si svært sjeldan. Kanskje skilsmissa mellom foreldra har gjort at avstanden mellom dei to har blitt så vanskeleg, og ikkje minst at mora i si tid etterlet sonen hos foreldra sine. Det kjem etter kvart for ein dag at fleire opplevingar og sår har vore med på å skapa slik avstand mellom ei mor og hennar barn.

Skodespelet er nummer to i trilogien «Barnet», «Mor og barn» og «Sonen», som alle skildrar vanskelege livssituasjonar og utforskar menneskelege relasjonar. Det dreiar seg om kjærleik, svik, skuld og forsoning. 

«Jon Fosse er ein unik diktar som gjev oss språk for det språklause», seier skodespelar Hildegun Riise. «Det kvardagslege og samstundes den djupt menneskelege innsikta Fosse skriv fram, er makelaus. Natur og lynne er ofte knytt til det vestnorske, men likevel kjenner folk i store delar av verda seg igjen i diktinga hans».

«Levande lesing» kallar Hildegun Riise denne forma for framføring. Teksten flyt framover medan skodespelarane har manus i augnekroken og opne sansar for det spontane som kan skje undervegs.

Hildegun Riise kjem frå i Strandebarm og Morten Svartveit frå Voss og begge har i mange år arbeidd som skodespelarar ved Det Norske Teatret og på mange andre kunstarenaer.

Riise har arbeidd med Fosse sine tekstar både som utøvar på teater, i film og som regissør. Ho har dessutan medverka i ei mengd poesikonsertar med Fosse sin poesi i sentrum. Riise blir rekna blant dei fremste tolkarane av Fosse.

Morten har også medverka i «Leve hemmeleg» og Jon Fosse ord for ord NRK. Elles kjenner publikum Kjosås godt frå TV-seriar, slik som «Heimebane», «Gutta på skauen» .Okkupert, Grenseland og Heimebane, og i Viaplay-serien Pørni. Han har også spilt i filmene RoseMari (2016) og Når jeg faller (2018)