«Skuggar» - De utvalgte - to framsyningar

Med fjorden og fjellet som bakgrunn vil «Skuggar» by på ei magisk oppleving i vårnatta. 

Skodespelet «Skuggar», som kom ut i 2007, er eit spesielt og gåtefullt tekstunivers utan tid- og stadfesting. Tematikken dreiar seg om eksistensielle spørsmål om kven me er, og korleis me er bundne saman i ulike relasjonar. Regissøren Kari Holte og teknisk sjef Boya Bøckman nyttar avanserte tekniske verkemiddel for å få fram dei tidlause, universelle spørsmåla stykket dreiar seg om.

De Utvalgte sette opp «Skuggar» første gongen på Black Box Teater i Oslo i februar 2009, og om hausten same året vart det vist i Strandebarm i samband med 50-årsdagen til Jon Fosse. Sidan den tid har stykket vore på turné i heile verda, seinast i Wuzhen i Kina. Ikkje noko anna Fosse-stykke har vore sett opp så mange gongar.