Poesikonsert "Mørket har eit lys"

“Mørket har eit lys”, er utvikla av Riise og Skaare for Fossedagane 2026. Riise har alltid hatt eit sterkt tilhøve til  poesi, og ho har gjennom mange år produsert og sjølv medverka i mange poesikonsertar med musikarar  innan klassisk, jazz og folkemusikksjangeren.

Skodespelar og regissør Hildegun Riise var tilsett ved Det Norske Teatret i 34 år og har hatt rollar i alt frå musikalar, greske tragediar til moderne dramatikk. Ho har spelt i mange teaterstykke av Jon Fosse, som ho set svært høgt. I 2015 debuterte Riise som regissør på Nationaltheateret med «Morgon og kveld», og ho hadde sjølv hovudansvaret for dramatiseringa av denne Fosse-romanen.

Riise har også hatt sentrale roller i film- og tv-produksjonar og motteke teateret sin Heddapris, filmen sin Amandapris og Aase Bye-prisen.

Pianist og komponist Kristin Skaare er ein stilsikker kunstnar som lett og ledig rører seg innan ulike musikalske sjangrar. Ho har utdanning i musikkvitskap og har samarbeidd med blant andre musikarane Stein Torleif Bjella,Ola og Kari Bremnes og Frode Alnæs. Ho har også medverka i filmar og andre tverrfaglege produksjonar. 

Kristin Skaare har motteke mellom anna VG sin musikerpris, Rolf Gamleng-prisen og fleire prisar som filmkomponist. 

Riise og Skaare har hatt ulike oppdrag i lag gjennom det siste året, noko som har gjeve meirsmak til vidare samarbeid. 

Konserten varer om lag ein time.