"Det sørgelege ved å vera dramatikar"

“Det sørgelege ved å vera dramatikar”

Litteraturbåten “Epos” 1. mai kl 16.30 - 18.00

Bill. kr 400  (dagsbillett 1. mai kr 900) Vipps #576605

Avgang frå kaien på Fosse, Strandebarmsvegen 130, kl.16.30. Først tek Epos seg ein rundtur på fjorden. Om bord vert det høve til å kjøpa seg noko lite å eta og drikka. Med på turen er forfattar og dramatikar Cecilie Løveid og journalist Jan H. Landro. Når båten legg til kai igjen, blir det ro og fred til å høyra samtalen mellom desse to.  

Cecilie Løveid har litt av kvart å fortelja om korleis det er å skriva dramatikk - sanneleg ikkje nokon dans på roser - og kor forskjellig det er å skriva skodespel samanlikna med andre sjangrar. I tillegg opnar ho litt opp om kompliserte tilhøve til teatersjefar og regissørar. Samtalen vil også dreia seg om andre sider ved det allsidige forfattarskapet hennar. Det kan hende Løveid også har nokre tankar om nobelprisvinnaren frå Strandebarm. 

Bergensaren Cecilie Løveid vert rekna blant dei fremste norske samtidsdramatikarane. Tre gongar har ho fått Ibsenprisen, og ho har også vorte tildelt ei rekkje andre litterære prisar og internasjonal oppmerksomheit. I tillegg til skodespel har ho også skrive romanar, diktsamlingar og barnebøker.

Jan H. Landro er forfattar og journalist. Mange kjenner han som tidlegare journalist i BT og no fast bokmeldar i Dag og Tid. I 2022 gav han ut «Jon Fosse – enkelt og djupt – om romanane og forteljingane hans», der han analyserer alle romanane og lengre prosatekstar av Jon Fosse.