Bokbad - Leander Djønne

Brageprisvinnaren 2025 kjem til Fosse

 Kjøp billettar via Vipps #576605 eller følg lenka https://betal.vipps.no/8jv8hh

23. februar kan du møta forfattar Leander Djønne i samtale med journalist og forfattar Jan H. Landro i Fossehuset.

Djønne skal i februar ha arbeidsopphald nokre veker i barndomsheimen til Jon Fosse, Myra, som Fosse-stiftinga tilbyr som kunstnarresidens. 

Djønne er oppvaksen i Odda og bur no på ein gard i Grimo, på vestsida av Sørfjorden. Han er utdanna biletkunstnar og har arbeidt med film, foto og installasjon. Når han ikkje er lærar, biletkunstnar eller bonde, held han på med skriving. 

«Alt et», romanen som Djønne fekk Brageprisen for i fjor, er ei bekmørk forteljing om ein samansett familietragedie. Også første boka hans, «Oskespiralen» frå 2022,  handlar om ein familie der vondskap dominerer liv og relasjonar. Også denne boka vart godt motteken og vann Lytternes romanpris i 2022. 

Ein kan undrast over kor forfattaren hentar inspirasjon til å skapa slike rasande, valdelege karakterar som ein finn i romanane hans. Under ytre groteske handlingar kan ein ana lag av djupare tematikk om slektskap, relasjonar, skuld og skam. Jan H. Landro har mange spørsmål til Leander Djønne når dei to møtest  i Fossehuset. 

Arr: Fosse-stiftinga - støtta av Folkeakademiet Kvam - Skann qr-kode for kjøp av billett på Vipps